Хидроелектрани

ХЕЦ Бошков Мост

Објавен е тендер за електро и машинска опрема и доставени се понуди за опремата (17 април 2013)
Завршена е претквалификација за ЛОТ 1 и ЛОТ 2.
Изработени се извештаи за летен, есенски,зимски и пролетен аспект од еколошко набљудување пред изградба согласно усвоениот план за набљудување. Изработен и усвоен е финален извештај од еколошкото набљудување.
Доставени се понуди за ЛОТ 3 во врска со електромашинска опрема.
Изработени се урбанистички планови за с.Тресонче и с.Росоки, и завршена е постапката за СОЖС.
Доставени се понуди за ЛОТ 1 и ЛОТ 2 во врска соградежни работи.
Поништени се тендерите за градежни работи ЛОТ1 и ЛОТ2.
Во тек е утврдување на финалниот извештај од еколошкото набљудување пред изградба согласно усвоениот план за набљудување.
Во тек е постапка за одобрување на планска документација во МТВ.
Добиена е финална студија за приклучок на ХЕЦ Бошков Мост на ЕЕС од страна на МЕПСО, врз основа на која ќе се работи тендер документацијата за ЛОТ 4 - приклучок на Елетропреносна мрежа.
Повторно е објавен тендер за градежни работи во еден ЛОТ и тендерот е во тек.

Ревитализација на ХЕЦ - втора фаза

Тендер ЛОТ А -изведувачот „Сисгео“ од Италија заврши со автоматизација на системот за оскултација на браната на шест брани Маврово, Тиквеш, Глобочица, Шпилје, Козјак и Света Петка. Преку системот за пренос на информации (ДТС) сите шест брани ќе бидат поврзани со центрите во Струга и во Скопје. Софтверот за ДПС – систем за обработка на податоци е во крајна фаза.
Тендер ЛОТ Б1 за ревитализација на канал Горна Радика - цевката е положена во должина од 2660метри (100% од вкупната должина). Завршена е поправката на оштетениот канал. Поставени се лизгачките затворачии при што два ќе бидат дополнително коригирани. Завршени се деветте средни водни зафати .
Тендер ЛОТ Б2 за ревитализација на канал Шарски Води - Бетон зврши со ревитализација на каналот на сите седум локации.
Тендер ЛОТ Б3 за завршување на браната Леуново - Бетон заврши со заполнување и финалниот слој од асфалтот.
Тендер ЛОТ Б4 за ревитализација на Толјански тунел - Геосонда од Белград работеше од 1 септември до 6 ноември 2013 година на инјектирање на тунелот и на челичната покривка 141 метри, плус дополнителни 44 метри. Работите се стопирани по чистењето на тунелот и полнењето со вода.
Тендер ЛОТ B5 за инјекциона завеса во Шпилје -Страбак/ГИМ – Скопје ги заврши сите работи. Анекс на договорот е потпишан и ЕЛЕМ го издаде Сертификатот за преземање.
Тендер ЛОТ 1 за генератори Андритц заврши со пробна работа на генераторот од единица Ц во ХЕЦ Вруток. Генератор Б започна со работа на 12 ноември 2013 година. Генератор Д е завршен и ќе биде пуштен во пробна работа на 6 јануари 20014. Започна активности за комплетирање на последниот четврти агрегат.
Тендер ЛОТ 2 за трансформатори -Колектор Етра заврши со два регулациони трансформатори за ХЕЦ Вруток. Трансформаторите Ц и Б во ХЕЦ Вруток работат. Трансфоматор Д е монтиран на градилиште и ќе биде пуштен во погон. Трансформатор А е завршен и се наоѓа во монтажно плато во градилиштето. Три трансформатори на ХЕЦ Равен се мануелно започнати.
Тендер ЛОТ 3 за затворачи - Литострој го поправи оштетениот топчест затворач Ц, го повтори пуштањето во погон и сега е во пробна работа. Топчестиот затворач Б е поставен, пуштањето во употреба е завршено и вентилот е во пробна работа. Топчестиот затворач Д е монтиран и започна пробна работа. Два нови воздушни вентила се поставени и два стари вентила се транспортирани до фабриката за ревитализација.
Тендерот ЛОТ 4 за затворачи - Искра Импулс постави три нови таблести затворачи на испуст за Равен. Шест таблести затворачи на дифузор и два затворачи на испустниот тунел за ХЕЦ Вруток се ревитализирани. Испустните затворачи на ХЕЦ Равен и ХЕЦ Вруток се демонтирани и во тек е ревитализацијата. Завршени се сите сервомотори .
Тендер ЛОТ 5 за решетки - Ерхард Мур (Erhard Muhr) заврши со поставување и пуштање во употреба на решетките и машините за чистење на градилиште на зафатот Врбен и водостанот Вруток.

Брана Луково Поле и довод на Корабски води

Поради откажување на договорот за консултантски услуги за изработка на студија за оценка на влијание врз животна средина и социјални аспекти од страна на Поири (Poyry), на 20.3.2013 година, склучен е договор со консултантот ЈВ БРЛ инженери и ГПМ консалтинг (JV BRL Ingenierie & GPM Consulting) за изработка на студијата.
Склучен е Договор за изработка на ревизија на проектот за брана Луково Поле со доводен канал на Корабски води и МХЕЦ Црн Камен, со консултантската компанија ГЕИНГ, на 25.3.2013 година.
Склучен е анекс 3 кон Договорот за дополнителни геотехнички истраги со ГИМ на 29.6.2013 година.
На 18.9.2013 година склучен е анекс кон Договорот со ЈВ БРЛ инженери и ГПМ консалтинг (JV BRL Ingenierie & GPM Consulting) за дополнителни активности за финализирање на студија за оценка на влијание врз животна средина и социјални аспекти, а поради слаба изведба на доставената верзија од Поири од (Poyry).
Изработка на нацрт- извештај за стратегиска оцена на животна средина за УПВНМ за изградба на брана и акумулација Луково Поле, довод на Корабски води и МХЕЦ Црн Камен (согласно одлука од 167. седница на Влада на РМ, за исфрлање на зафатот Пројфел, истиот извештај треба да биде дополнително преработен).
Склучени анекси кон Договорите за консултантски услуги за панелот на експерти за сигурност на брани.
На барање на Светска банка доставено е писмо со барање до компанијата Милиу(Milieu) од Белгија за изготвување на независно правно мислење за проектот, и соодветно на тоа е добиена понуда од Милиу (Milieu) на 5.12.2013 година.
Изработена и доставена проектна задача за пристапен пат до Ациона (Acciona).
Изработена и доставена проектна задача за далноводната траса до Ациона (Acciona).

Вардарска долина

Во тек е изработка на ажурирана претфизибилити студија за проектот „Вардарска долина“ со ажурирање на цените за градежни работи, електромашинска опрема и пресметки на годишно производство, и обновување на економски податоци.

ХЕЦ Шпилје II

Договор со КФВ банка за изработка на физибилити студија и дополнително студија за влијание врз животната средина за проектот ХЕЦ Шпилје II.
Подготовка на проектна задача и тендерска барања за избор на консултант за изработка на физибилити студијата.
Објавен е тендер за избор на консултант за изработка на физибилити студија со студија за влијание врз животна средина.
Потпишан е Договор со избраниот консултант

Сеизмичко набљудување на локации на постојни и идни брани

Водење на работите за сеизмичко набљудување – одржување и сервисирање на инструменти за регистрација на силни земјотреси се инсталирани на браните Маврово, Шпилје, Глобочица, Тиквеш и Козјак, и на локации за идните брани: Велес, Чебрен, Криволак и Градец и тоа во следниве чекори:

склучен е договор,
договарање со постојните ХЕЦ за функционирање на мрежата за сеизмичко набљудување на браните.

ЛОТ1 Договорот за сезмичко набљудување– одржување и сервисирање на инструменти за регистрација на силни земјотреси се инсталирани на браните: Маврово, Шпилје, Глобочица, Тиквеш и Козјак и на локации за идните брани Велес, Чебрен, Криволак и Градец важи од 1.1.2012 година до 31.12.2014 година.
ЛОТ2 Договорот за сеизмичко набљудување за следење на сеизмичка активност – индуцирана сеизмичност на браните Козјак, и Света Петка и локацијата Белица вази од 1.1.2012 година до 31.12.2014 година.

Консултантски услуги од градежна проблематика

Склучен е Рамковен договор со Градежен факултет, Скопје за давање услуги од градежна проблематика за објектите во склоп на ХЕЦ Маврово, ХЕЦ Глобочица, ХЕЦ Тиквеш, ХЕЦ Шпилје, ХЕЦ Козјак и брана Суводол и со придружните објекти и околниот терен, сопственост на АД ЕЛЕМ. Реализација на договорот за период 18.2.2010 – 18.2.2013 година.
Изработени се: прегледи, проектни задачи, проектни програми, извештаи и програми за истражувања (геотехнички и бетонски).
Склучен е Рамковен договор за услуги за изработка на проектна документација и ревизија од градежна област и ревизија на проектна документација од градежна област за објекти од I – ва до V – та категорија, сопственост на АД ЕЛЕМ со 7 (седум) компании. Реализација на договорот е предвидена за период 13.01.2011 – 13.01.2014 година.
Изработена е проектна документација и ревизија на проектната документација согласно договорот.

Финансиски извештај во PDF